گرمی گئی سردی آ ئی!محکمہ موسمیات نے پیشنگوئی کر دتی

گرمی گئی سردی آ ئی!محکمہ موسمیات نے پیشنگوئی کر دتی

اسلام آباد(پاکستان پوائنٹ نیوز28۔ستمبر۔2018ء) محکمہ موسمیات نے ملک بھر وچ ویلے توں پہلاں(قبل ازوقت) سردی دی آمد دی پیشنگوئی کر دتی اے۔ تفصیل مطابق جمعرات دے دیہاڑے اسلام آباد، شمالی علاقیاں تے پنجاب دے کئی شہراں وچ بارش تے ژالہ باری مگروں موسم ٹھنڈا ہو گیا اے۔ محکمہ موسمیات نے وی ملک وچ ویلے توں پہلاں سردی دی آمد بارے پیشنگوئی کر دتی اے۔

محکمہ موسمیات مطابق آؤندے 24گھنٹیاں دوران ملک دے کئی علاقیاں وچ موسم خشک رہوے گا پر مالاکنڈ، ہزارہ، کوہاٹ ، بنوں، ڈی آئی خان، راولپنڈی، سرگودھا، گوجرانوالا، لاہور، ژوب، قلات ڈویژن، اسلام آباد تے گلگت بلستان وچ موسم دُھندلا رہن توں وکھ کُجھ تھاواں اُتے بارش دا امکان اے۔ محکمہ موسمیات نے پیشنگوئی کیتی اے کہ اکتوبر دے پہلے ہفتے وچ بارشاں دا نواں سلسلا شروع ہوئے گا جیہدے نتیجے وچ ملک دے کئی علایاں وچ موسم ٹھنڈا ہو جائے گا۔