پاکستانی وزیر خارجانے امریکا دی حقیقت بیان کر دتی

ایہ نہیں بُھلنا چاہید اطالبان نوں کیہنے تربیت دتی سی، حالات دے نال بیلی وی بدل جاندے نیں:انٹرویو

پاکستانی وزیر خارجانے امریکا دی حقیقت بیان کر دتی
 ایہ نہیں بُھلنا چاہید اطالبان نوں کیہنے تربیت دتی سی، حالات دے نال بیلی وی بدل جاندے نیں:انٹرویو

نیویارک(پاکستان پوائنٹ نیوز28۔ستمبر۔2018ء) پاکستانی وزیر خارجا شاہ محمود قریشی دے تگڑے بیان نے امریکا دی حقیقت بیان کر دتی۔ وزیر خارجا شاہ محمود قریشی دا کہنا سی کہ ایہ نہیں بُھلنا چاہید اکہ طالبان نوں کیہنے تربیت دتی سی، اسیں کئی وار بُھل جاندے آں کہ حالات دے نال بیلی وی بدل جاندے نیں۔ تفصیل مطابق وزیر خارجا شاہ محمود قریشی ایس ویلے اقوام متحدہ دی جنرل اسمبلی دے اجلاس وچ رلت لئی نیویارک وچ نیں جتھے اوہ نہ صرف جنرل اسمبلی دے اجلاس اندر بلکہ اوہدے باہر وی پاکستان دا مقدمہ لڑ رہے نیں تے پاکستان دا موقف دنیا ساہمنے رکھ رہے نیں۔

اک پاسے وزیر خارجا جتھے غیر ملکی رہنماواں نال ملاقاتاں کر رہے نیں اوتھے غیر ملکی میڈیا ساہمنے وی اپنا موقف بیان کر رہے نیں۔ اج وزیر خارجا شاہ محمود قریشی دے تگڑے لفظی وار نے امریکا دی بولتی بند کر دتی۔ شاہ محمود قریشی دا کہنا سی کہ عالمی طاقت دے طور اُتے امریکا خاص حیثیت چاہندا اے جدکہ پاکستان امریکا نال دوستی چاہندا اے پر استثنائی بنیاداں اُتے نہیں۔

اوہناں نے ایہ وی آکھیا کہ سابقہ پاکستانی حکومتاں طالبان دیاں حامی نہیں، ملکی مفاد دی حمایت کردیاں رہیاں نیں۔ طالبان دے معاملے اُتے اوہناں نے امریکا نوں بیتیا ویلا یاد کرواندے ہوئے آکھیا کہ ایہ نہیں بُھلنا چاہیدا کہ طالبان نوں کس نے تربیت دتی سی۔ اسیں کئی وار بُھل جاندے آں کہ حالات نال بیلی وی بدل جاندے نیں۔ بھارت دے حوالے نال گل بات کردے ہوئے اوہناں دا کہنا سی کہ بھارت نال جنگ آپش نہیں۔