اسلام آباد(پاکستان پوائنٹ نیوز28۔ستمبر۔2018ء) وزیر اعظم عمران خان تے آرمی چیف جنرل قمر جاوید باجوہ وچکار ملاقات ہوئی اے، ملاقات دوران ملکی و خطے دی سکیورٹی صورتحال بارے وچار وٹاندرا کیتا گیا۔ میڈیا رپورٹس مطابق وزیر اعظم عمران خان نال وزیر اعظم ہاؤس وچ آرمی چیف جنرل قمر جاوید باجوہ نے ملاقات کیتی۔ ملاقات دوران ملکی و خطے دی سکیورٹی صورتحال بارے وچار وٹاندرا کیتا گیا۔
ایس موقعے تے فوجی قیادت نے وزیراعظم عمران خان نوں دہشت گردی خلاف آپریشنز دے حوالے نال بریفنگ دتی۔ وزیر اعظم عمران خان تے آرمی چیف جنرل قمر جاوید باجوہ وچکار ملاقات دوران نیشنل ایکشن پلان دے نال نال بھارتی آرمی چیف دیاں دھمکیاں دے بعد دی صورتحال اُتے وی غور کیتا گیا۔ا یس موقعے تے ڈی جی آئی ایس آئی لیفٹیننٹ جنرل نوید مختار وی موجود سن۔
