اسلام آباد(پاکستان پوائنٹ نیوز27۔ستمبر۔2018ء) نیب نے سابق وزیر خزانہ اسحاق ڈار دی جائیداد ویچن دی اجازت منگ لی، نیب ولوں اسلام آباد ہائی کورٹ وچ درخاست دائر کیتی گئی اے، درخاست وچ بینتی کیتی گئی اے کہ اسحاق ڈار ملکوں فرار نیں نیب تے عدالت اوہناں نوں اشتہاری ملزم قرار دے چکی اے ایس لئی اوہناں دی پاکستان وچ موجود ساری جائیداد ویچن دی اجازت دتی جائے۔
میڈیا رپورٹس مطابق قومی احتساب بیورو نے اسلام آباد ہائی کورٹ وچ دائر کیتی گئی درخاست وچ بینتی کیتی اے کہ (ن) لیگی رہنما و سابق وزیر خزانہ اسحاق ڈار دی ساری جائیداد ویچن دی اجازت دتی جائے۔نیب ولوں درخاست سپیشل پراسیکیوٹر عمران شفیق ولوں دائر کیتی گئی۔ سپیشل پراسیکیوٹر عمران شفیق دی درخاست دے متن وچ آکھیا گیا اے کہ اسحاق ڈارنوں نیب تے عدالت اشتہاری قرار دے چکے نیں۔ اسحاق ڈار بیماری دا بہانہ بنا کے برطانیہ وچ نیں۔ اوہناں نوں باہر طلبی دے نوٹس وی جاری کیتے گئے پر اوہناں نے کوئی جواب نہیں دتا۔ ایس لئی اوہناں دی جائیداد ویچن دی اجازت دتی جائے۔
