لاہور(پاکستان پوائنٹ نیوز26۔ستمبر۔2018ء) دو دناں وچ ہیلمٹ نہ پان اُتے 22ہزار موٹر سائیکلاں دا چالان ہویا۔ تفصیل مطابق لاہور ہائی کورٹ دے حکم اُتے ہیلمٹ دی پابندی دے پہلے دن ای بغیر ہیلمٹ موٹر سائیکل چلان والے بندیاں دے 8گھنٹیاں وچ 5ہزار 315 چلان کیتے گئے سن۔ تے ہن میڈیا رپورٹس وچ دسیا گیا اے کہ لاہور وچ ہیلمٹ نہ پان والیاں خلاف کریک ڈاؤن جاری اے تے دوجے دن وی کئی ہزار موٹر سائیکل سواراں دا چالان کیتا گیا۔
دو دناں وچ ہیلمٹ نہ پان والے 22ہزار موٹر سائیکل سواراں دا چالان ہویا۔ لاہور ہائی کورٹ وچ ٹریفک قانون اُتے عملدرآمد بارے کیس دی سنوائی ہوئی۔ سنوائی دوران چیف ٹریفک افسر لاہور کیپٹن(ر) لیاقت علی نے عدالت وچ رپورٹ پیش کیتی۔ لاہور ہائی کورٹ وچ ٹریفک قانون اُتے عملدرآمد بارے کیس وچ سی ٹی او لاہور ولوں رپورٹ پیش کیتی گئی۔ رپورٹ مطابق دو دناں وچ ہیلمٹ نہ پان اُتے 22ہزار توں ودھ موٹر سائیکل والیاں دے چالان کیتے گئے۔
رپورٹ وچ ہور دسیا گیا کہ مال روڈ اُتے بغیر ہیلمٹ موٹر سائیکل سواراں دا داخلا بند کیتا گیا اے۔ دو دناں وچ مال روڈ اُتے 4778بغیر ہیلمٹ موٹر سائیکل سواراں نوں جرمانہ کیتا گیا جدکہ مجموعی طور اُتے لاہور وچ 22246بغیر ہیلمٹ موٹر سائیکل سواراں نوں چلان ٹکٹ جاری کیتے گئے۔
