اسلام آباد(پاکستان پوائنٹ نیوز26۔ستمبر۔2018ء) وزیر اعظم عمران خان دے قریبی ساتھی زلفی بخاری دی بطور اُچیچے (خصوصی) معاون تعیناتی نوں سپریم کورٹ وچ چیلنج کر دتا گیا اے۔ تفصیل مطابق سپریم کورٹ وچ عادل چٹھہ نے زلفی بخاری دی اُچیچیمعاون دے طور اُتے تعیناتی خلاف درخاست دتی۔ درخاست وچ وزیر اعظم عمران خان تے کابینہ ڈویژن نوں فریق بنایاگیا۔
درخاست گزار دا کہنا سی کہ دوہری شہریت رکھن والا بندہ رکن قومی اسمبلی وی نہیں ہو سکدا تے زلفی بخاری نوں وزیر اعظم دا اُچیچا معاون تعینات کر دتا گیا اے۔زلفی بخاری دی تعیناتی غیر قانونی اے۔ درخاست وچ بینتی کیتی گئی کہ زلفی بخاری نوں بطور معاون خصوصی کم کرن توں روکیا جائے۔ یاد رہوے کہ وزیر اعظم عمران خان دے قریبی ساتھی زلفی بخاری نوں معاون خصوصی بنان دا فیصلا کیتا گیا۔زلفی بخاری نوں وزارت اوورسیز پاکستان دے منسٹر دا انچارج تعینات کیتا گیا۔
