پاکستان دا روسی حکومت نال گیس خریداری بارے سمجھوتا کرن دا فیصلا

پاکستان دا روسی حکومت نال گیس خریداری بارے سمجھوتا کرن دا فیصلا

اسلام آباد(پاکستان پوائنٹ نیوز26۔ستمبر۔2018ء) حکومت دا روس نال گیس خریداری لئی 10ارب ڈالر دا سمجھوتا کرن دا فیصلا، پٹرولیم ڈویژن دا وفد اج روس جائے گا تے دوناں ملکاں وچکار مفاہمتی یاداشت اُتے دستخط کیتے جان گے۔ میڈیا رپورٹس مطابق حکومت نے گیس خریداری لئی روس نال 10ارب ڈالر دا سمجھوتا کرن دا فیصلا کر لیا اے۔ روس نال 50کروڑ توں اک ارب مکعب فٹ روز گیس مُل لِتی جائے گی ۔ پٹرولیم ڈویژن دا وفد اج روس جائے گا جتھے دوویں ملکاں وچکار ایم او یو اُتے دستخط کیتے جان گے۔ گیس دی ترسیل لئی روسی کمپنی سمندر راہیں گیس پائپ لائن وچھائے گی جدکہ پائپ لائن دی اُساری دا منصوبہ 3توں 4سال وچ پورا ہوئے گا جیہدے نال ملک وچ گیس دی کمی اُتے قابو پان وچ مدد ملے گی۔