کرپٹ افسراں خلاف گھیرا تنگ، ڈیٹا تیار کر لیا گیا

کراچی(پاکستان پوائنٹ نیوز25۔ستمبر۔2018ء) سندھ وچ کرپٹ سرکاری افسراں دا ڈیٹا تیار کرلیا گیا اے۔ وسیلیاں مطابق احتسابی اداریاں دے انٹیلی جنس یونٹ نے ایہ خفیہ رپورٹ بنائی اے۔ کرپٹ سرکاری افسراں دیاں تفصیلاں اکٹھیاں کرن وچ اک سال لگا۔ وسیلیاں دا آکھنا اے کہ ڈیٹا جمع کرن لئی ایف بی آر کولوں وی معلومات لتیاں گئیاں نیں۔ کرپٹ افسراں دی غیر ملکی شہریت، دوریاں دی تفصیلاں تے کرپٹ افسراں دے گھر والیاں سنے اثاثیاں دیاں تفصیلاں وی جمع کیتیاں گئیاں نیں۔وسیلیاں دا آکھنا اے کہ اہم تے پرکشش عہدیاں اُتے لمے چِر تیکر تعینات افسراں تے عملے دے کوائف جمع کیتے گئے نیں۔ سیاسی پشت پناہی والے افسراں تے اہم منصوبیاں دے ڈائریکٹراں دیاں لسٹاں اُتے ہولی ہولی کارروائی ہوئے گی۔