کراچی(پاکستان پوائنٹ نیوز25۔ستمبر۔2018ء) منی لانڈرنگ کیس وچ زرداری تے فریال تالپور اج عدالت وچ پیش ہوئیاں۔ تفصیل مطابق منی لانڈرنگ سکینڈل وچ ضمانت اُتے رہا سابق صدر آصف علی زرداری، اوہناں دی بھین فریال تالپور، انور مجید تے ہور ملزم کراچی دی بینکنگ کورٹ وچ پیش ہو ئے۔کراچی دی بینکنگ کورٹ وچ ارباں رُپئے منی لانڈرنگ سکینڈل دی سنوائی ہوئی۔
سابق صدر آصف زرداری، فریال تالپور ،مجید انور تے اوہناں دے تِناں پُتراں سنے ہور دی ضمانت اُتے رہائی دا اج آخری دن سی۔ سنوائی شروع ہوئی تے ایف آئی اے پراسیکیوٹرنے درخاست اُتے کارروائی دی مخالفت کیتی۔ پراسیکیوٹر نے آکھیا کہ سپریم کورٹ نے اومنی گروپ دے اکاؤنٹس بارے کسے وی قسم دا فیصلا دین توں روکیا اے جیہدے اُتے انور مجید دے وکیل نے آکھیا کہ سپریم کورٹ نے آرڈر جاری کرن توں منع کیتا اے دلائل دین توں نہیں۔ایس موقعے اُتے بینکنگ کورٹ دے جج نے آکھیا کہ پہلے سپریم کورٹ دا حکم نامہ پڑھ لئے ایہدے مگروں فیصلا کراں گے۔ عدالت نے جعلی اکاؤنٹس راہیں منی لانڈرنگ دے کیس دی سنوائی 16اکتوبر تیکر ملتوی کر دتی۔
