اسلام آباد(پاکستان پوائنٹ نیوز24۔ستمبر۔2018ء) اسلامی نظریاتی کونسل نے اکٹھیاں تن طلاقاں دین اُتے سزا لئی بل تیار کرن دا فیصلا کرلیا اے۔ تفصیل مطابق اکو ویلے تن طلاقاں دینا اک شرعی مسئلا ے جیہدے بارے علماء وچ اختلاف پایا جاندا اے کیہ اکٹھیاں تن طلاقاں دین نال طلاق ہو جاندی اے یاں نہیں۔ کُجھ علمائے کرام ایہنوں جائز سمجھدے نیں جدکہ کُجھ ایس حوالے نال پہلے ذکر کیتے گئے موقف دے خلاف نیں۔
پر ہن ایس حوالے قانون بنان دا فیصلا کیتا گیا اے۔ اسلامی نظریاتی کونسل دا اجلاس 26تے 27ستمبر نوں سدیا گیا اے۔ اسلامی نظریاتی کونسل نے اکٹھیاں تن طلاقاں دین اُتے سزا لئی بل تیار کرن دا فیصلا کرلیا اے۔ایس توں وکھ اسلامی نظریاتی کونسل دے اجلاس وچ گھٹ عمر ے ویاہ بارے وی غور ہوئے گا۔ اسلامی نظریاتی کونسل دے اجلاس وچ سوانیاں دے وراثتی حقاں اُتے سفارشاں بارے غور کیتا جائے گا۔ اجلاس وچ اکو ویلے تن طلاقاں اُتے سزا، جرمانہ تجویز کیتا جائے گا۔اسلامی نظریاتی کونسل بل تیار کر کے وفاقی حکومت نوں گھلے گی۔ جیہنوں منظوری مگروں نافذ کر دتا جائے گا۔یاد رہوے کہ ایس توں پہلاں بھارت وچ وی تن طلاقاں اکو ویلے دین نوں جرم قرار دتا جا چکیا اے۔
