لاہور(پاکستان پوائنٹ نیوز24۔ستمبر۔2018ء) پاکستان مسلم لیگ (ن) دے مرکزی رہنما سینیٹر پرویز رشید نے آکھیا اے کہ کیتے کرکٹ میچ ہارن دا الزام وی نواز شریف اُتے نہ لگ جائے، جس بندے نے پنج سال نجم سیٹھی نوں گالھاں کڈھیاں اوہ اج مونہ لُکاندا پھر رہیا اے۔ اوہناں نے ٹویٹر اُتے پاکستانی کرکٹ ٹیم دی بھارت ہتھوں ہار اُتے اپنے ردعمل وچ آکھیا کہ جس بندے نے پنج سال نجم سیٹھی نوں گالھاں کڈھیاں اج اک مہینے توں اپنا مونہ لُکاندا پھر رہیا اے۔
پرویز رشید دا کہنا سی کہ پاکستان کرکٹ دا جنازہ کڈھ دتا گیا اے۔ اوہناں نے آکھیا کہ کیتے ایہ الزام وی نواز شریف اُتے نہ لگ جائے۔ دوجے پاسے کرکٹ دے چاہیوان وی پاکستان دی بھارت ہتھوں ہار اُتے دُکھی تے غصے وچ نیں۔ اوہناں دا کہنا اے کہ پاکستان بھارت ہتھوں میچ ہار جاندی اے جدکہ نکیاں ٹیماں کولوں ای صرف پاکستان جت سکدا اے،جو سوچن والی گل اے۔
