لاہور میٹرو بس وچ کُڑی دا انوکھا انداز

ڈانس کر کے بھیک منگی، انتظامیہ نے بس وچوں کڈھ دتا

لاہور میٹرو بس وچ کُڑی دا انوکھا انداز
ڈانس کر کے بھیک منگی، انتظامیہ نے بس وچوں کڈھ دتا

لاہور(پاکستان پوائنٹ نیوز22۔ستمبر۔2018ء) اُنج تے ٹریفک سگنلز تے سڑکاں اُتے تھاں تھاں کُڑیاں، مُنڈے تے وڈیرے بندے ایتھوں تیکر کہ بال وی منگدے ہوئے نظر آؤندے نیں۔ دُکھ دی گل تے ایہ اے کہ معاشرے وچ منگ پُنے لئی نہ تے کوئی قانون اے تے نہ ای کوئی ایس پاسے دھیان دیندا اے۔ پر ہن لاہور میٹرو بس وچ کُڑی نے منگن دا انوکھا انداز اپناندے ہوئے ۔ڈانس کر کے بھیک منگی۔ لاہور میٹرو بس وچ بھیک منگن لئی سوار ہون والی ذکر کیتی گئی کُڑی نے اک انوکھا انداز اپنایا تے میوزک اُتے نچ کے بھیک منگی۔ ایہ کُڑی ٹمبر مارکیٹ دے بس سٹاپ توں سوار ہوئی جیہدے مگروں میٹرو بس انتظامیہ نے اوس کُڑی نوں آزادی چوک فلائی اوور دے بس سٹاپ اُتے بس وچوں باہر کڈھ دتا۔ میڈیا رپورٹ مطابق میٹرو بس وچ سوار ہوندے ای ذکر کیتی گئی کُڑی نے اپنے موبائل فون اُتے گانے لائے تے نچنا شروع کر دتا جیہنوں ویکھ کے میٹر بس وچ سوار لوک وی حیران رہ گئے کہ آخر ایہ کُڑی کون اے تے کیہ کر رہی اے؟کُڑی نے نچدے ہوئے میٹرو بس وچ سوار لوکاں کولوں بھیک وی منگی۔ جیہدے اُتے تن مسافراں نے اوہنوں 10,10رُپئے دتے، میٹرو بس انتظامیہ نے کُڑی نوں روکن دی کوشش کیتی پر اوہ نہ رُکی تے آخیر اوہنوں آزادی چوک فلائی اوور دے بس سٹاپ اُتے بس توں لاہ دتا گیا۔