انتقام دی سیاست اُتے یقین نہیں رکھدے:عمران خان

عدالتاں آپ مختار نیں، عدالتی فیصلے نوں آئین و قانون دی نظر نال ویکھدے آں:پارٹی دے مشاورتی اجلاس وچ گل بات

انتقام دی سیاست اُتے یقین نہیں رکھدے:عمران خان
عدالتاں آپ مختار نیں، عدالتی فیصلے نوں آئین و قانون دی نظر نال ویکھدے آں:پارٹی دے مشاورتی اجلاس وچ گل بات

اسلام آباد(پاکستان پوائنٹ نیوز20۔ستمبر۔2018ء) وزیر اعظم عمران خان نے آکھیا اے کہ انتقام دی سیاست اُتے یقین نہیں رکھدے۔ عدالتاں آپ مختار نیں، عدالتی فیصلے نوں آئین و قانون دی نظر نال ویکھدے آں۔ میڈیا رپورٹس مطابق وزیر اعظم عمران خان نے اج بنی گالا وچ پارٹی دے مشاورتی اجلاس دی صدارت کیتی ۔ اجلاس وچ نواز شریف دی رہائی، منی بجٹ اُتے عوامی ردعمل تے سعودی عرب دے دورے دے حوالے نال وچار وٹاندرا کیتا گیا۔

وزیراعظم عمران خان دی صدارت ہیٹھ بنی گالا وچ مشاورتی اجلاس اندر وزیر خارجا شاہ محمود قریشی ، شیریں مزاری، اسد عمر، وزیر اعظم دے مشیر نعیم الحق تے قانونی ماہر ڈاکٹر بابر اعوان وی رلتی ہوئے۔ اجلاس دوران وزیراعظم دے دورہ سعودی عرب تے ہور اہم فیصلاں بارے صلاح کیتی گئی۔ بابر اعوان نے نواز شریف تے مریم نواز دی رہائی بارے قانونی نکتیاں بارے بریفنگ دتی۔ ایس موقعے تے وزیر اعظم عمران خان نے آکھیا کہ انتقام دی سیاست اُتے یقین نہیں رکھدے۔ عدالتاں آپ مختار نیں، عدالتی فیصلے نوں آئین و قانون دی نظر نال ویکھدے آں۔