اسلام آباد(پاکستان پوائنٹ نیوز20۔ستمبر۔2018ء) اسلام آباد ہائی کورٹ نے وزیر اعظم نواز شریف، اوہناں دھی مریم نواز تے داماد کیپٹن(ر) صفدر دی سزا معطل کردے ہوئے اوہناں دی رہائی دا حکم دتا سی۔ جیہدے مگروں تِناں قیدیاں نوں رہا کر دتا گیا۔ اسلام آباد ہائی کورٹ دا حکم آؤندے ای تِناں قیدیاں نوں فیصلے بارے دسیا گیا جیہدے اُتے تِناں نے رب دا شکر ادا کیتا۔
اسلام آباد ہائی کورٹ دے فیصلے تحت رہائی ملدے ای خوش خوراک سابق وزیر اعظم میاں نواز شریف سپرنٹنڈنٹ دے کمرے وچ فروٹ کیک تے پیسڑیاں کھاندے رہے اور خش وکھالی دتے ۔ایس موقعے تے میاں نواز شریف نال شہباز شریف، مرتضی جاوید عابد، چودھری تنویر، سردار مہتاب عباسی وی موجود سن۔ ایس موقعے تے نواز شریف د اکہنا سی کہ مینوں پتا سی کہ میں بے گناہ آں۔ میں کوئی غلط کم نہیں کیتا، میرا ضمیر مطمئن سی۔ رب حق تے انصاف دا ساتھ دیند ا اے۔
