اسلام آباد/واشنگٹن(پاکستان پوائنٹ نیوز20۔ستمبر۔2018ء) امریکا نے وزیر اعظم عمران خان اُتے اعتماد دا اظہار کیتا اے۔ امریکا نے پاکستان دے سکیورٹی فنڈز دی بحالی بارے غور شروع کر دتا۔ میڈیا رپورٹس مطابق ٹرمپ انتظامیہ نے پاکستان کوکولیشن سپورٹ فنڈ دی مد وچ روکی گئی امداد دی بحالی بارے غور شروع کر دتا۔ امریکی اخبار نے دعوا کیتا اے کہ ٹرمپ انتظامیہ پاکستان دی نویں حکومت نال تعلقات معمولی اُتے لیان دی خاہشمند اے تے ایس سلسلے وچ اوہناں نے پاکستان نوں کوکولیشن سپورٹ فن فنڈ دی مد وچ روکی گئی امداد دی بحالی بارے غور شروع کر دتا اے۔
امریکی اخبار مطابق عمران خان دے اقتدار سنبھالن نال تعلقات وچ بہتری دا نواں بوہا کُھلیا اے۔ پاک امریکا تعلقات وچ عمران خان اہمیت رکھدے نیں۔ یاد رہوے کہ چالو مہینے امریکی تھنک ٹینک فیڈرلسٹ سوسائٹی فار لا ء اینڈ پبلک پالیسی سٹیڈیز دے اجلاس نال خطاب کردے ہوئے امریکا دی قومی سلامتی دے مشیر جان بلٹن دا کہنا سی کہ امریکا، پاکستان نال دہشت گردی خلاف جنگ وچ بھرپور تعاون چاہندا اے ۔
حقیقت تے ایہ اے کہ امریکا لئی ایہ بہت ضروری اے۔ اوہناں نے آکھیا کہ میرے آن توں پہلے، ٹرمپ انتظامیہ نے پاکستان دی فوجی امداد دے وڈے حصے نوں ختم کرن د افیصلا نہیں کیتا سی۔ اوہناں دا کہنا سی کہ ٹرمپ انتظامیہ نوں چنگی طرحاں پتا سی کہ پاکستان اک ایٹمی طاقت اے تے ایہ ڈر سی کہ حکومت دہشت گرداں دے ہتھوں یرغمال نہ بن جائے تے اوہ ایٹمی ہتھیاراں اُتے کنٹرول نہ حاصل کر لین۔ امریکی قومی سلامتی دے مشیر جان بلٹن نے دسیا کہ دہشت گردی پورے خطے لئی خطرناک مسئلا اے پر پاکستان نوں دہشت گرداں خلاف بھرپور کارروائی کرن دی ضرورت اے کیونکہ ایہ دہشت گردی آپ پاکستان لئی خطرہ اے۔
