لاہور(پاکستان پوائنٹ نیوز20۔ستمبر۔2018ء) عمران خان نااہلی کیس اک وار فیر سپریم کورٹ وچ سنو ائی لئی مقرر کر دتا گیا اے۔ میڈیا رپورٹس مطابق عمران خان خلاف دائر درخاست اُتے سنوائی لئی بنچ وی بنا دتا گیا اے۔ جسٹس میاں ثاقب نثار دی سربراہی وچ تن رکنی بنچ کیس دی سنوائی کرے گا۔ جسٹس عمر عطا بندیال تے جسٹس اعجاز الاحسن وی بنچ دا حصہ نیں۔یاد رہوے کہ پاکستان مسلم لیگ (ن) دے رہنما دانیال چودھری نے عمران خان خلاف 2017وچ سپریم کورٹ نال رجوع کیتا سی۔
دانیال چودھری نے عمران خان اُتے کاغذات نامزدگی وچ دھی ظاہر نہ کرن دا الزام لایا سی۔ ایس توں پہلاں اک رپورٹ وچ دسیا گیا کہ2018دے الیکشن توں پہلاں این اے 35توں عمران خان دے مقابلے وچ جسٹس ڈیموکریٹک پارٹی دے امیدوار انعام اللہ ایڈووکیٹ نے ریٹرننگ افسر نوں اعتراض جمع کروایا سی کہ عمران خان دی اک دھی دا نام ٹیریان اے جیہدا ذکر اوہناں نے کاغذات نامزدگی وچ نہیں کیتا پر ریٹرننگ افسر نے عمران خان دے کاغذات منظور کر لئے سن۔
