لاہور(پاکستان پوائنٹ نیوز19۔ستمبر۔2018ء) فواد چودھری صاحب کیہ تُسیں وزیر اطلاعات او یاں ڈی جی آئی ایس پی آر؟ساڈے وچ کوئی فرق نہیں اے، اسیں اک پیج اُتے آں تے ان شاء اللہ اک پیج اُتے رہواں گے، فواد چودھری دا ہسدے ہوئے پرچاکار نوں جواب ۔ تفصیل مطابق مشہور کالم نگار منصور آفاق دا اپنے اک کالم وچ کہنا سی کہ پہلی وار کوئی اجیہی حکومت آئی اے کہ وزیر پریشان وکھالی دیندے نیں۔
اک اک پیر سوچ کے پُٹ رہے نیں۔ دن وچ 14,14گھنٹے کم کر رہے نیں۔ ہر وزیر اپنے محکمے دے نِکے توں نِکے مسئلے نوں پوری ڈونگھیائی نال ویکھ رہیا اے تے اوہدے حل لئی کسے بوہے اُتے وی دستک دین وچ عار نہیں سمجھ رہیا۔ حکومت نوں آئے ہوئے اجے صرف 20ورکنگ دن لنگھے نیں پر لگ رہیا اے کہ جیویں کئی مہینے لنگھ گئے ہون۔ اوہناں دا کہنا سی کہ پچھلے دو ہفتیاں وچ وفاقی وزیر اطلاعات فواد چودھری نال جگہ جگہ ملاقات ہوئی۔
اک مقامی ہوٹل وچ پی آئی ڈی دی اک تقریب وچ امتیاز عالم نے سوال کیتا کہ ’کیہ تُسیں وزیر اطلاعات او یاں ڈی جی آئی ایس پی آر؟‘ سوال اجیہا سی کہ جیہدے اُتے وزیر اطلاعات نوں گرم ہونا چاہیدا سی پر اوہ ہس پئے تے آکھیا کہ ’ساڈے وچ کوئی فرق نہیں اے، اسیں اک پیج اُتے آں تے انشاء اللہ اک پیج اُتے رہواں گے‘
