اسلام آباد(پاکستان پوائنٹ نیوز19۔ستمبر۔2018ء) سپریم کورٹ نے اسحاق ڈار نوں چیئرمین بورڈ آف گورنر یو ایچ ایس دے عہدے توں ہٹان دا حکم دے دتا۔ تفصیل مطابق چیف جسٹس ثاقب نثار دی سربراہی وچ تن رکنی بنچ نے یونیورسٹی آف ہیلتھ سائنسز لاہور بارے آپ نوٹس کیس دی سنوائی کیتی۔ چیف جسٹس نے ریمارکس دتے کہ قوائد دے تحت یونیورسٹی آف ہیلتھ سائنسز لاہور دے بورڈ آف گورنرز دا اجلاس ہر دو سال بعد ہونا چاہیدا، پر 2015توں ہن تیکر کوئی اجلاس نہیں ہویا۔
بورڈ آف گورنرز دے چیئرمین اسحاق ڈار ملک توں فرار نیں۔ عدالت اوہناں نوں اشتہاری قرار دے کے ریڈ وارنٹ جاری کر چکی اے ۔ بورڈ آف گورنرز دے چیئرمین دے نہ ہون کارن بورڈ غیر فعال اے۔ عدالت نے اسحاق ڈار نوں چیئرمین یو ایچ ایس بورڈ آف گورنرز دے عہدے توں ہٹان تے تن دناں وچ نویں چیئرمین دی تعیناتی دا حکم دیندے ہوئے وزارت خارجا سنے ہور سٹیک ہولڈرز توں جواب منگ لیا اے۔
