اسلام آباد(پاکستان پوائنٹ نیوز18۔ستمبر۔2018ء) سینیٹر رحمان ملک نے آکھیا اے کہ وزیر اعظم سکیورٹی نہ وی لین تے زبردستی دیو، سکیورٹی تے پروٹوکول نوں آپس وچ نہ ملاؤ، سکیورٹی دی SOPفالو ہونی چاہیدی، صدر تے وزیر اعظم پورے ملک دے ہوندے نیں، اوہدی سکیورٹی اُتے کوئی کمپرومائز نہیں ہونا چاہیدا۔ منگل نوں سینیٹ اجلاس وچ گل بات کردے ہوئے رحمان ملک نے آکھیا کہ نیکٹا رپورٹس مطابق وزیر اعظم عمران خان نوں تھریٹس الرٹس نیں، اسیں نہیں چاہندے کہ وزیر اعظم نوں کُجھ ہوئے۔
اوہناں دا کہنا سی کہ سکیورٹی دی ساڈے توں بُہتی فکر کس نوں ہوئے گی۔ اسیں اپنے لیڈر نوں گوا دتا اے۔ رحمان ملک دا کہنا سی کہ ہیلی کاپٹر اُتے 55رُپئے دی 15 لکھ وی خرچ ہوئے تے استعمال کرنا چاہیدا۔ صدر نے ائر پورٹ اُتے لائن وچ کھلو کے قوم دا قیمتی ڈیڈھ گھنٹہ ضائع کیتا۔ رحمان ملک دے سینیٹ وچ خطاب دوران مسلم لیگ (ن) دے سینیٹر محمد عباسی نے آکھیا کہ رحمان ملک صاحب کیہ تُسیں ڈران آئے او وزیراعظم دی سکیورٹی دی ذمے واری ملک صاحب لے لین۔
