اسلام آباد(پاکستان پوائنٹ نیوز18۔ستمبر۔2018ء) وزیر اعظم عمران خان نے دیامیر بھاشا ڈیم فنڈ وچ دل کھول کے عطیات دین اُتے کراچی واسیاں دا شکریہ ادا کیتا اے۔ منگل نوں سوشل میڈیا اُتے جاری اپنے اک ٹویٹ وچ وزیر اعظم نے آکھیا کہ میں ڈیم فنڈ وچ دل کھول کے عطیات دین اُتے کراچی واسیاں دا شکر گزار آں۔ اوہناں نے آکھیا کہ کراچی وچ ڈیم لئی فنڈ جمع کرن دی تقریب اندر76 کروڑ رُپئے دے عطیات جمع ہوئے۔
چیتے رہوے کہ وزیر اعظم عمران خان نے ایتوار نوں کراچی دے اک دن دے دورے دوران ڈیمز لئی فنڈ ریزنگ دی تقریب وچ رلت کیتی۔ تقریب وچ صدر مملکت ڈاکٹر عارف علوی، گورنر سندھ عمران اسماعیل، وفاقی وزیراں تے ہور لوکاں دی وڈی گنتی نے رلت کیتی سی۔ ایس موقعے تے تقریب وچ رلتی لوکاں نے ڈیم فنڈ لئی وڈی رقم عطیہ کیتی سی۔
