لندن(پاکستان پوائنٹ نیوز18۔ستمبر۔2018ء) وزیر اعظم عمران خان دی سابقہ بیوی ریحام خان نے کتاب دی ناکامی مگروں سوشل میڈیا دا سہارا لے لیا، فیس بک اُتے ’440 وولٹس ود ریحام خان‘ دے ناں توں لائیو شو کرن گیاں۔ تفصیل مطابق وزیر اعظم عمران خان دی سابقہ بیوی ریحام خان نے اک وار فیر میدان وچ آن دا فیصلا کیتا اے۔ چیتے رہو ے کہ ریحام دی 2018دے الیکشن توں پہلاں کتاب ساہمنے آئی۔
کتاب وچ اوہناں عمران خان دی ذاتی زندگی دے حوالے نال کئی انکشافات کیتے۔ پر ایہناں سارے کماں وچ ناکامی مگروں ہن ریحام خان نے اک وار فیر ساہمنے آن دا فیصلا کیتا اے۔ ریحام خان ایس وار اپنا سنیہا اپڑان لئی سوشل میڈیا دا سہارا لین گیاں۔ایس سلسلے وچ دسیا جا رہیا اے کہ ریحام خان نے فیس بک اُتے لائیو شو کرن دا فیصلا کیتا تے ایس شو دا ناں وی ’440وولٹس ود ریحام خان‘رکھیا گیا اے۔ایس فیس بک لائیو شو دے ناں توں لگداا ے کہ ایس شو دا مواد وی کتاب ورگا ای ہوئے گا۔
