عدالت د ا حمزہ شہباز شریف دے گھر باہر موجود رکاوٹاں ہٹان دا حکم

عدالت د ا حمزہ شہباز شریف دے گھر باہر موجود رکاوٹاں ہٹان دا حکم

لاہور(پاکستان پوائنٹ نیوز18۔ستمبر۔2018ء) لاہور ہائی نے پنجاب اسمبلی وچ اپوزیشن لیڈر حمزہ شہباز دے گھر باہروں سکیورٹی رکاوٹاں ہٹان دا حکم دے دتا۔ تفصیل مطابق ہر سیاستدان جدوں اقتدار وچ آنا چا رہیا ہوئے تے اوہ لوکائی دے دل موہن لئی پروٹوکول نہ لین دے دعوے کردا اے پر جدوں اقتدار وچ آ جائے تے اوہدے دعوے بس دعوے ای رہ جاندے نیں۔ تازہ اطلاع مطابق سابق وزیر اعلا پنجاب دے پُتر و پنجاب اسمبلی وچ اپوزیشن لیڈر حمزہ شہباز شریف دے گھر دے باہر رکاوٹاں موجود سن جیہناں خلاف لاہور ہائی کورٹ وچ درخاست دائر کیتی گئی۔

درخاست گزار اظہر صدیقی ایڈووکیٹ نے استدعا کیتی کہ حمزہ شہباز شریف نے سکیورٹی دے ناں اُتے اپنے گھر دوالے رکاوٹاں کھڑیاں کیتیاں نیں جیہناں دی وجہ توں علاقہ واسیاں نوں اوکڑاں دا ساہمنا اے، سکیورٹی دے ناں اُتے سڑک نوں بلاک نہیں کیتا جا سکدا، عدالت ایہناں رکاوٹاں نوں ہٹان دا حکم دیوے۔ درخاست گزار نے عدالت وچ رکاوٹاں دیاں تصویراں وی وکھائیاں۔ دوجے پاسے لاہور ہائی کورٹ دے جج جسٹس علی اکبر قریشی نے حمزہ شہباز شریف دے گھر باہر موجود رکاوٹاں ہٹان دی درخاست سُنن مگروں رکاوٹاں ہٹان دا حکم جاری کردے ہوئے آئی جی پنجاب تے سی پی او توں 25ستمبر نوں عملدرآمد رپورٹ منگ لی۔