لاہور(پاکستان پوائنٹ نیوز17۔ستمبر۔2018ء) عاشورہ دے موقعے اُتے سرکاری ملازماں نوں 4چھٹیاں مل گئیاں ۔ سرکاری چھٹی جمعرات تے جمعے دے دیہاڑے ہوئے گی۔ تفصیل مطابق 9ویں تے 10ویں محرم دی وجہ توں سرکاری ملازم مجموعی طور اُتے چار چھٹیاں دے مزے لین گے۔ وفاقی تے صوبائی حکومتاں ولوں 9ویں تے 10ویں محرم (جمعرات تے جمعے) نوں چھٹی دا اعلان کیتا گیا جدکہ ہفتے تے ایتوار نوں معمول دی چھٹی ہون کارن سرکاری ملازم چار دن موجاں کرن گے۔ روزگار تے تعلیم نال جُڑے وڈے شہراں توں آئے شہریاں نے چار دناں دیاں چھٹیاں نوں مُکھ رکھدے ہوئے جدی علاقیاں ول جان دی منصوبہ بندی کر لی اے۔ دوجے پاسے عاشورہ نوں مُکھ رکھدے ہوئے سکیورٹی اداریاں ولوں سکیورٹی دے انتظامات کر لئے گئے نیں۔
سرکاری ملازماں نوں 4چھٹیاں مل گئیاں
وفاقی تے صوبائی حکومتاں ولوں جمعرات تے جمعے نوں چھٹی دا اعلان کیتا گیا ، ہفتے تے ایتوار نوں معمول دی چھٹی ہون کارن سرکاری ملازم چار دن موجاں کرن گے
6 سال پچھے
