اسلام آباد(پاکستان پوائنٹ نیوز17۔ستمبر۔2018ء) سابق وزیر داخلا و مسلم لیگ (ن) دے رہنما احسن اقبال نے آکھیا اے کہ صرف گورنر ہاؤسز کھولن تے گڈیاں نیلام کر کے ملک نہیں چلے گا، نہ ای ڈیم چندے دے پیسیاں نال بندے نیں، دیامیر بھاشا ڈیم لئی ساڈی حکومت نے 122ارب رُپئے جاری کیتے تے ڈیم لئی زمین وی لئی اے۔ اسلام آباد ہائی کورٹ دے باہر میڈیا نال گل بات کردے ہوئے سابق وزیر اعلا داخلا احسن اقبال دا کہنا سی کہ ترقیاتی بجٹ اُتے کہواڑا مارن دی خبر گھم رہی اے، چالو ویلے وچ عملن پچھلے 6مہینیاں توں پاکستان دا ڈویلپمنٹ پورٹ فولیو جامد ہو گیا اے، جس ملک وچ 6مہینے تیکر ترقی دا عمل رُکیا ہویا ہوئے اوہ ملک کیویں ترقی کر سکدا اے۔
احسن اقبال دا کہنا سی کہ حکومت ولوں ملک نوں فائدہ اپڑان والے منصوبے سی پیک دے حوالے نال وی پکے کم ساہمنے نہیں آئے۔اوہناں دا کہنا سی کہ حکومت چلانا اناڑیاں دا کم نہیں، گورنر ہاؤسز کھولن تے گڈیاں نیلام کر کے ملک نہیں چلدے تے نہ ای ڈیم چندے دے پیسیاں نال بندے نیں۔ دیامر بھاشا ڈیم لئی ساڈی حکومت نے 122ارب رُپئے جاری کیتے تے ڈیم لئی زمین وی لئی۔
اوہناں نے ہور آکھیا کہ چیف جسٹس دے ڈیم فنڈ لئی کوششاں اُتے شکر گزار آں۔ حکومت سبسڈی نوں ختم کر کے لوکائی دیاں اوکڑاں وچ وادھا کر رہی اے۔ اسیں لوکائی لئی جو رعایتاں حکومت نوں دتیاں اوہناں د ا بھرپور دفاع کراں گے تے حکومت دے ایہناں کماں دی مخالفت وی کراں گے۔ اسیں حکومت نوں پہلے 100دن کُھلی چھٹی دتی اے تاں جے بعدوں ایہ نہ آکھیا جائے کہ کم نہیں کرن دتا گیا۔
