اسلام آباد(پاکستان پوائنٹ نیوز15۔ستمبر۔2018ء) تحریک انصاف دی حکومت نے سابق صدر جنرل(ر) پرویز مشرف خلاف غداری دا مقدمہ جاری رکھن دا فیصلا کیتا اے۔ وفاقی وزارت داخلا نے خصوصی عدالت وچ کیس دی پیروی لئی پراسیکیوٹر دے تقرر بارے ایف آئی اے نوں کارروائی کرن دی ہدایت کردتی اے۔ وزارت داخلا نے ایف آئی اے نوں پراسیکیوٹر دی تقرری لئی تن ماہر وکیلاں دا پینل گھلن دا حکم دے دتا اے۔
وسیلیاں دا آکھنا اے کہ ایف آئی اے نوں واضح ہدایت جاری کیتی گئی اے کہ پینل گھلن وچ مناسب ویلے توں ودھ دیر نہ کیتی جائے۔ وفاقی حکومت ایہ تاثر نہیں دینا چاہندی کہ حکومت ایس کیس نوں اگانہ ودھان وچ دلچسپی نہیں رکھدی یاں کوئی بیک ڈور رابطیاں دا تاثر لئے۔ ایسے گل نوں مُکھ رکھدے ہوئے ایف آئی اے نوں ہدایتاں جاری کیتیاں گئیاں نیں کہ اوہ ویلا ضائع کیتے بغیر پراسکیوٹر دی تعیناتی لئی وکیلاں د اپینل تے نال اوہناں دے کم دیاں شرطاں بارے دسے۔
