وزیر اعظم عمران خان نال ترک وزیر خارجا دی ملاقات

ملاقات دوران خطے دی صورتحال سنے دو پاسی تعلقات بارے وچار وٹاندرا کیتا گیا

وزیر اعظم عمران خان نال ترک وزیر خارجا دی ملاقات
ملاقات دوران خطے دی صورتحال سنے دو پاسی تعلقات بارے وچار وٹاندرا کیتا گیا

اسلام آباد(پاکستان پوائنٹ نیوز14۔ستمبر۔2018ء) وزیر اعظم عمران خان نال ترک وزیر خارجا نے ملاقات کیتی، ملاقات دوران دو پاسی باہمی دلچسپی دے حوالے نال وچار وٹاندرا کیتا گیا۔ میڈیا رپورٹس مطابق وزیر اعظم عمران خان نال اج وزیراعظم ہاؤس وچ ترک وزیر خارجا نے ملاقات کیتی۔ ملاقات دوران خطے دی صورتحال سنے دو پاسی تعلقات بارے وچار وٹاندرا کیتا گیا۔

ترک وزیر خارجا میولوت چاوش اوگلو نے عمران خان نوں وزیراعظم بنن اُتے مبارکباد دتی۔ جدکہ وزیر اعظم عمران خان نوں ترک وزیر خارجا نے ترک قیادت ولوں نیک خاہشاں دا سنیہا وی دتا۔ ایس توں پہلاں ترکی دے وزیر خارجا دو دناں دے دورے اُتے اسلام آباد اپڑے ۔ اسلام آباد اپڑن اُتے وزارت خارجا دے سینئر افسراں تے پاکستان وچ ترکی سفیر نے اوہناں دا استقبال کیتا۔