لندن(پاکستان پوائنٹ نیوز14۔ستمبر۔2018ء) برطانیہ نے پاکستان دے سابق وزیر خزانہ اسحاق ڈار نوں ڈی پورٹ کرن دی درخاست رد کر دتی اے۔ تفصیل مطابق پاکستان نے اسحاق ڈار نوں ڈی پورٹ کرن لئی برطانیہ نوں درخاست کیتی سی جیہنوں برطانیہ نے رد کر دتا اے۔ برطانیہ نے پاکستان دی درخاست نوں رد کرد ے ہوئے آکھیا کہ قانون وچ گنجائش اے پر دوناں ملکاں وچ مجرماں دی حوالگی دا کوئی سمجھوتا نہیں اے۔
برطانیہ نے آکھیا کہ پاکستان باضابطہ طور اُتے حکومت نال رابطہ کرے۔ یاد رہوے کہ سابق وزیر خزانہ پاکستان اسحاق ڈار لمے چِر توں برطانیہ وچ نیں۔ اوہناں بارے اطلاع آئی سی کہ ممکن اے کہ سابق وزیر خزانہ اسحاق ڈار برطانیہ وچ سیاسی پناہ لین کیونکہ اسحاق ڈار دا پاسپورٹ منسوخ ہون مگروں اوہناں دے سیاسی پناہ لین دی آس ودھ گئی اے تے آپ اسحاق ڈار وی ایہدے بارے غور کر رہے نیں۔
