پشین :اسسٹنٹ کمشنر دی گڈی نیڑے دھماکا،3لیویز اہلکار شہید،2بندے زخمی

پشین(پاکستان پوائنٹ نیوز14۔ستمبر۔2018ء) پشین بائی پاس اُتے اسسٹنٹ کمشنر دی گڈی نیڑے دھماکا،دھماکے دے نتیجے وچ 3لیویز اہلکار شہید،2بندے زخمی ہوگئے۔ تفصیل مطابق پشین دے علاقے وچ بائی پاس نیڑے اسسٹنٹ کمشنردی گڈی نیڑے ای دھماکا ہویا۔ مڈھلی اطلاع مطابق دھماکے وچ تن لیویز اہلکار شہید تے دو بندے زخمی وی ہوئے۔ دھماکے دی اطلاع ملدے ای پولیس تے ریسکیو والے موقعے تے اپڑے۔ پولیس نے دسیا کہ دھماکے ویلے اسسٹنٹ کمشنر گڈی وچ موجود نہیں سن پر دھماکے نال گڈی نوں نقصان اپڑیا۔ دھماکے وچ زخمی ہون والے بندیاں نوں علاج لئی کوئٹہ ہسپتال منتقل کر دتا گیا اے۔ جتھے زخمیاں دی حالت خطرے وچ دسی گئی اے۔