لندن(پاکستان پوائنٹ نیوز13۔ستمبر۔2018ء) کلثوم نواز دی میت پاکستان لیان وچ دیر، شہباز شریف اپنی بھرجائی دی میت لے کے لندن دے ہیتھرو ائر پورٹ اپڑ گئے،پی آئی اے دی اُڈان پی کے 758لیٹ۔ تفصیل مطابق اج لندن وچ مسلم لیگ (ن) دے قائد و سابق وزیر اعظم نواز شریف دی گھر والی سابق خاتون اول بیگم کلثوم نواز دی ریجنٹ پارک مسجد وچ نماز جنازہ پڑھی گئی۔ کلثوم نواز دی نماز جنازہ امام شیخ خلیفہ عزت نے پڑھائی۔
بیگم کلثوم نواز دے جنازے وچ پُتراں سنے اسحاق ڈار، شہباز شریف، چودھری نثار علی خان، چودھری عبدالمجید تے پاکستانی کمیونٹی نے وڈی گنتی وچ رلت کیتی۔پر ہن مسلم لیگ (ن) دے صدر شہباز شریف اپنی بھرجائی دی میت لے کے لندن دے ہیتھرو ائر پورٹ اپڑے ۔ پربیگم کلثوم نواز دی میت پاکستان لیان وچ دیر ہو گئی اے۔ بیگم کلثوم نواز دی میت پاکستان لیان والی پی آئی اے دی اُڈان پی کے 758نوں دیر دا ساہمنا کرنا پیا اے۔
