اسلام آباد(پاکستان پوائنٹ نیوز13۔ستمبر۔2018ء) پارلیمنٹ دا سانجھا اجلاس دو دن لئی ملتوی کر دتا گیا اے۔ میڈیا رپورٹ مطابق جمعرات نوں ہون والا پارلیمنٹ دا سانجھا اجلاس وزیراعظم عمران خان دی ہدایت اُتے دو دن لئی ملتوی کر دتا گیا اے۔ اجلاس نال صدر مملکت ڈاکٹر عارف علوی نے خطاب کرنا سی۔ مسلم لیگ (ن) دے ارکان اسمبلی نے بیگم کلثوم نواز دی نمازہ جنازہ وچ رلت دی وجہ توں اجلاس ملتوی کرن دی بینتی(درخواست) کیتی سی۔
دوجے پاسے اج لندن وچ مسلم لیگ (ن) دے قائد و سابق وزیر اعظم نواز شریف دی گھر والی سابق خاتون اول بیگم کلثوم نواز دی ریجنٹ پارک مسجد وچ نماز جنازہ پڑھی گئی۔ کلثوم نواز دی نماز جنازہ امام شیخ خلیفہ عزت نے پڑھائی۔ بیگم کلثوم نواز دے جنازے وچ پُتراں سنے اسحاق ڈار، شہباز شریف، چودھری نثار علی خان، چودھری عبدالمجید تے پاکستانی کمیونٹی نے وڈی گنتی وچ رلت کیتی۔جیہدے مگروں ہن بیگم کلثوم نواز دی میت کل سویرے 6وجے لاہور ائر پورٹ اپڑے گی ۔
