لاہور(پاکستان پوائنٹ نیوز13۔ستمبر۔2018ء) مسلم لیگ (ن) دے مرکزی رہنما مشاہد اللہ خان نے دعوا کیتا اے کہ نواز شریف نال این آر او کرن دی کوشش کیتی گئی پر اوہناں نے کسے قسم دی ڈیل توں انکار کر دتا۔ نواز شریف نوں آکھیا گیا کہ بالاں نال لندن وچ جا کے رہو پر این آر او توں انکار اُتے نواز شریف دے بالاں خلاف مقدمے بنائے گئے۔ اوہناں نے اج میڈیا نال گل بات کردے ہوئے آکھیا کہ سابق وزیر اعظم نواز شریف نال بار بار این آر او کرن دی کوشش کیتی گئی۔
پر نواز شریف نے کسے قسم دا این آر او کرن توں انکار کیتا۔ نواز شریف نوں آکھیا گیا کہ تُسیں این آر او کر لوو تے باہر جا کے اپنے بالاں نال زندگی لنگھاؤ۔ پر نواز شریف نے ملک تے قوم دی خاطر کسے قسم دا ین آر او لین توں انکار کیتا۔ اوہناں نے آکھیا کہ ڈیل نہ کرن دی صورت وچ بالاں خلاف مقدمے بنائے گئے۔
