لاہور(پاکستان پوائنٹ نیوز12۔ستمبر۔2018ء) مسلم لیگ (ن) دے صدر شہباز شریف بیگم کلثوم نواز دی میت لین لندن چلے گئے نیں۔ شہباز شریف لندن جان لئی لاہور دے علامہ اقبال انٹرنیشنل ائر پورٹ اپڑے جتھے اوہناں نال پارٹی رہنماواں تے کارکناں د ی وڈی گنتی موجود سی۔تفصیل مطابق مسلم لیگ (ن) دے صدر شہباز شریف بیگم کلثوم نواز دی میت لین لندن چلے گئے نیں۔ شہباز شریف لندن جان لئی لاہور دے علامہ اقبال انٹرنیشنل ائر پورٹ اپڑے جتھے اوہناں نال پارٹی رہنماواں تے کارکناں د ی وڈی گنتی موجود سی۔
شہباز شریف لندن اپڑن گے جتھے کل ظہر دی نماز مگروں بیگم کلثوم نواز دی نمازہ جنازہ پڑھی جائے گی ، جیہدے بعد میت دفن کرن لئی پاکستان لیاندی جائے گی۔ ایس توں وکھ سابق وزیر اعلا شہباز شریف نے پنجاب حکومت نوں نواز شریف، مریم نواز تے کیپٹن (ر) صفدر دی پیرول اُتے 5دن لئی رہائی دی درخاست دتی سی۔ درخاست اُتے نواز شریف، مریم نواز تے کیپٹن (ر) صفدر نوں 12گھنٹیاں لئی پیرول اُتے رہائی دتی گئی اے۔ نوٹی فکیشن جاری ہون مگروں تِناں قیدیاں نوں اڈیالا جیل توں رہا کر دتا گیا اے تے اوہ اُچیچے جہاز راہیں لاہور اپڑے۔نوٹی فکیشن مطابق تِناں قیدیاں دا اڈیالا جیل توں جاتی امراء تیکر دا سفر پیرول وچ شامل نہیں ہوئے گا۔ ایس توں وکھ محکمہ داخلا پنجاب نے جاتی امراء نوں سب جیل قرار دیندے ہوئے جیل عملے نوں تعینات کر دتا اے۔
