اسلام آباد(پاکستان پوائنٹ نیوز12۔ستمبر۔2018ء) احتساب عدالت نے سابق وزیر اعظم نواز شریف خلاف العزیزیہ سٹیل ملز ریفرنس دی سنوائی اوہناں دی گھر والی دی وفات کارن کل (13ستمبر) تیکر لئی ملتوی کر دتی اے۔ تفصیل مطابق اج احتساب عدالت نمبر 2دے جج محمد ارشد ملک نے سابق وزیر اعظم نواز شریف خلاف نیب ریفرنس دی سنوائی کیتی۔ نواز شریف دے وکیل خواجا حارث عدالت وچ پیش ہوئے تے دسیا کہ بدقسمتی نال سابق وزیر اعظم میاں نواز شریف دی گھر والی بیگم کلثوم نواز دا انتقال ہو گیا اے۔
تے اج سویرے ای پتا لگا کہ نواز شریف نوں پیرول اُتے رہائی مگروں لاہور لیجایا گیا اے تے اوہناں دی غیر حاضری وچ عدالتی کارروائی چلان دیاں ہدایتاں نہیں ملیاں۔ایس موقعے تے جج ارشد ملک نے آکھیا کہ کلثوم نواز قومی شخصیت سن اج کارروائی چلانا مناسب نہیں۔جیہدے مگروں احتساب عدالت نے العزیزیہ سٹیل ملز ریفرنس دی سنوائی کل تیکر لئی ملتوی کر دتی۔
