اسلام آباد(پاکستان پوائنٹ نیوز11۔ستمبر۔2018ء) بیگم کلثوم نواز دے دوویں پُتر والدہ دی تدفین لئی پاکستان نہیں آن گے،پاناما کیس وچ ملوث ہون کارن حسن تے حسین نواز ملک واپس نہیں آ سکن گے، شہباز شریف میت لیان لئی برطانیہ جان گے۔ تفصیل مطابق سابق وزیر اعظم و سربراہ مسلم لیگ (ن) میاں نواز شریف دی گھر والی اج لما چِر دُکھاں نال لڑدی ہوئی فوت ہو گئی اے۔
سابق خاتون اول دے فوت ہون مگروں فیصلا کیتا گیا اے کہ صدر مسلم لیگ (ن) نواز شریف دے بھرا شہباز شریف اپنی بھرجائی دی میت نوں پاکستان واپس لے کے آن گے۔ بیگم کلثوم نواز دے فوت ہون مگروں اوہناں دے دوویں پُتر حسن تے حسین نواز بارے کئی سوال چُکے جا رہے سن کہ اوہ پاکستان آن گے یاں نہیں؟ایس حوالے نال ہن نجی ٹی وی چینل نے دسیا اے کہ اپنی والدہ دی تدفین لئی حسن تے حسین نواز پاکستان واپس نہیں آن گے۔ پاناما کیس وچ ملوث ہون کارن حسن تے حسین نواز ملک واپس نہیں آ سکن گے۔ شہباز شریف میت لیان لئی برطانیہ جان گے۔دوجے پاسے بیگم کلثوم نواز دیاں آخری رسماں وچ رلت لئی نواز شریف تے مریم نواز نوں پیرول اُتے رہائی دین دا اعلان وی کر دتا گیا اے۔
