ضمنی الیکشن پی کے 23:تحریک انصاف دے شوکت یوسفزئی جت گئے

ضمنی الیکشن پی کے 23:تحریک انصاف دے شوکت یوسفزئی جت گئے

شانگلا(پاکستان پوائنٹ نیوز10۔ستمبر۔2018ء) پی کے 23شانگلا ضمنی الیکشن دا غیر حتمی غیرسرکاری نتیجہ آگیا، تحریک انصاف دے شوکت یوسفزئی جت گئے، (ن) لیگ دے امیدوار نوں ہار دا ساہمنا ۔ تفصیل مطابق پاکستان وچ 25جولائی نوں ہون والے عام انتخابات مگروں پہلا ضمنی الیکشن خیبرپختونخوا دے حلقہ پی کے 23شانگلا وچ ہویا۔ پی کے 23شانگلا وچ ہون والے الیکشن وچ تحریک انصاف دے شوکت یوسفزئی کامیاب ہوئے سن، پر بعدوں سوانیاں ووٹراں دی شرح گھٹ ہون کارن الیکشن کالعدم قرار دے دتا گیا سی۔

ضمنی الیکشن دے سلسلے وچ اج پولنگ سویرے 8وجے توں شروع ہوئی جو بغیر وقفے دے شام 6وجے تیکر جاری رہی۔ خیبرپختونخوا دی سیٹ اُتے 13امیدواراں وچکار مقابلا ہویا، جیہناں وچوں تحریک انصاف دے شوکت یوسفزئی، ایم ایم اے دے محمد یار، اے این پی دے عمر زادہ تے پیپلز پارٹی دے افسر الملک شامل نیں۔ حلقے وچ 135پولنگ سٹیشن بنائے گئے سن۔ غیر سرکاری غیر حتمی نتیجے مطابق تحریک انصاف دے شوکت یوسفزئی نے (ن) لیگ دے امیدوار نوں ہرا دتا اے۔