سیالکوٹ(پاکستان پوائنٹ نیوز10۔ستمبر۔2018ء) بھارت ولوں روایتی ہٹ دھرمی جاری اے۔ لائن آف کنٹرول اُتے انھے واہ فائرنگ تے شیلنگ دے نتیجے وچ پاکستانی شہری شہید ہوگیا۔ پاک فوج دے شعبہ تعلقات عامہ(آئی ایس پی آر) مطابق بھارتی فورسز نے لائن آف کنٹرول اُتے اک وار فیر انھے واہ فائرنگ تے گولا باری کیتی۔ بھارتی فورسز نے خنجر سیکٹر وچ شہری آبادی نوں نشانہ بنایا۔
بھارتی فورسز دی گولا باری دے نتیجے وچ 51ورھیاں دا شہری گفتار حسین شہید ہو گیا۔ بھارتی فورسز دی فائرنگ دے نتیجے وچ ہلاک ہون والے شہری گفتار حسین دا تعلق دوالی پنڈ بھمرا توں سی۔ آئی ایس پی آر مطابق پاک فوج ولوں بھارتی فورسز نوں مونہ توڑ جواب دتا گیا۔ پاک فوج نے بھرپور جوابی کارروائی وچ بھارتی چوکیاں نوں نشانہ بنایا۔ یاد رہوے کہ بھارت ولوں پچھلے ہفتے وی لائن آف کنٹرول اُتے انھے واہ فائرنگ کیتی گئی سی۔ فائرنگ دے نتیجے وچ اک شہری ہلاک تے کئی زخمی ہو ئے سن۔
