َحکومت دا گیس دیاں قیمتاں نہ ودھان دا فیصلا:وسیلے

اسلام آباد(پاکستان پوائنٹ نیوز10۔ستمبر۔2018ء) اقتصادی رابطہ کمیٹی نے اجے گیس دیاں قیمتاں نہ ودھان دا فیصلا کر لیا اے۔ پیر نوں وزیر خزانہ اسد عمر دی صدارت ہیٹھ اقتصادی رابطہ کمیٹی (ای سی سی) دا اجلاس ہویا۔ اجلاس وچ گیس دیاں قیمتاں وچ وادھے بارے فیصلا کیتا گیا اے کہ گیس دیاں قیمتاں اجے نہ ودھائیاں جان۔ وسیلیاں دا کہنا اے کہ اقتصادی رابطہ کمیٹی نے قیمتاں وچ وادھے لئی گائیڈ لائنز طے کر لی پر گیس دیاں قیمتاں وچ وادھے دا حتمی فیصلا عمران خان کرن گے۔

اجلاس وچ کھاد فیکٹریاں نوں 50فیصد مقامی گیس تے 50فیصد ایل این جی دین دا فیصلا کیتا گیا اے۔ ایل این جی دا 50فیصد بل کھاد کمپنیاں دین گیاں جدکہ 50فیصد حکومت دیوے گی۔ اجلاس وچ فیصلا کیتا گیا اے کہ ساریاں کھاد فیکٹر یاں پوری صلاحیت مطابق کھاد پیدا کرن گیاں جدکہ یوریا کھاد پوری کرن لئی کھاد درآمد کرن دا وی فیصلا کیتا گیا اے۔ یاد رہوے کہ گیس کمپنیاں نے قیمتاں وچ 100فیصد وادھے دی منگ کیتی سی۔