کراچی(پاکستان پوائنٹ نیوز08۔ستمبر۔2018ء) پاکستان پیپلز پارٹی دے رہنما شرجیل میمن نے شراب برآمدگی دے معاملے اُتے انکوائری مکمل ہون تیکر گل کرن توں انکار کر دتا۔ کراچی دی احتساب عدالت وچ سابق صوبائی وزیر شرجیل میمن تے ہور ملزماں نوں پونے 6ارب رُپئے دے کرپشن کیس دی سنوائی دے سلسلے وچ عدالت وچ پیش کیتا گیا پر نیب پراسیکیوٹر دی حاضری نہ ہون پاروں سنوائی 26ستمبر تیکر ملتوی کر دتی گئی۔
ایس موقعے تے میڈیا نمائندیاں نے شرجیل میمن کولوں شراب برآمدگی بارے سوال کیتا۔ پرچاکارا دے سوال اُتے کہ سب جیل وچ چھاپے اُتے تُسیں کیہ آکھو گے؟شرجیل میمن نے آکھیا کہ انکوائری چل رہی اے ، انکوائری مکمل ہون تیکر کُجھ نہیں آکھاں گا۔ پرچا کار نے سوال کیتا کہ ایس واقعے اُتے تہاڈی جماعت نے میڈیا وچ تہاڈا دفاع کیوں نہیں کیتا۔ پی پی رہنما نے جواب دتا کہ ایہ میرا ذاتی معاملا اے پارٹی دا معاملا نہیں اے۔
