اسلام آباد(پاکستان پوائنٹ نیوز07۔ستمبر۔2018ء) وزیراعظم عمران خان ولوں ڈیم فنڈ وچ پیسے عطیہ کرن دی اپیل اُتے اے آر وائے نیٹ ورک دے صدر سلمان اقبال سبھ لئی مثال بن گئے۔ سلمان اقبال نے ڈیم فنڈز لئی اک لکھ ڈالر عطیات جمع کروان دا اعلان کر دتا۔تفصیل مطابق اج وزیراعظم عمران خان نے قوم نال تھوڑے چِر لئی خطاب کیتا۔ اپنے خطاب دوران اوہناں نے قوم توں ڈیم فنڈ وچ حصہ پان دی اپیل کیتی ۔
اوہناں دا کہنا سی کہ ملک وچ ڈیم بنانا ضروری ہو گیا۔ ڈیم نہ بنایا تے ماہرین مطابق 2025وچ خشک سالی شروع ہو جائے گی۔ باہرلے ملک موجود پاکستانی ڈیم فنڈ وچ حصہ پان، میں اوہناں دے پیسیاں دی حفاظت کراں گا۔عمران خان دا کہناسی کہ سبھ توں وڈا پانی دا مسئلا اے۔ جدوں پاکستان آزاد ہویا تے ہر پاکستانی دے حصے آن والا پانی پنج ہزار چھ سو کیوبک میٹر سی جو اج صرف اک ہزار کیوبک میٹر اے۔
عمران خان دا کہنا سی کہ ساڈے کول پانی جمع دی کاپیسٹی صرف 30دن اے۔ ایس لئی ڈیم بنانا بہت ضروری اے۔ جے انج نہ کیتا تے آن والیاں نسلاں لئی بہت مسئلے پیدا ہون گے۔ ایکسپرٹ ایہ آکھدے نیں کہ 2025و چ خشک سالی شروع ہو جائے گی۔ ساڈے ایتھے قحط پے سکدا اے۔ اسیں چیف جسٹس نوں داد دینے آں اوہناں ایہ کم شروع کیتا۔ ایہ کم ساڈے سیاست داناں داسی۔ اوہناں نوں سوچنا چاہیدا سی کہ ایہ کم کردے۔
اسیں چیف جسٹس تے پرائم منسٹر فنڈ نوں اکٹھا کراں گے۔ میں اپیل کرنا واں کہ سارے اپنے مستقبل لئی ایس ڈیم دے فنڈ نوں پیسا دینا شروع کرن۔ خاص طور اُتے اوہ لوک جیہناں نے میری شوکت خانم تے نمل یونیورسٹی بنان وچ مدد کیتی۔ وزیر اعظم دی اپیل مگروں سبھ توں پہلاں آر وائے نیٹ ورک دے صدر سلمان اقبال سبھ لئی مثال بن گئے۔ سلمان اقبال نے ڈیم فنڈز لئی اک لکھ ڈالر عطیات جمع کروان دا اعلان کر دتا۔
