اسلام آباد(پاکستان پوائنٹ نیوز07۔ستمبر۔2018ء) وفاقی وزیر اطلاعات فواد چودھری نے آکھیا اے کہ پاکستان افغانستان نال تعلقات نوں اُچیچی اہمیت دیندا اے، افغانستان وچ امن پاکستان دے خطے لئی بہت فائدے مند اے، ایہدے نال خطے وچ اقتصادی ترقی تے علاقائی رابطیاں نوں ودھوتری(فروغ) ملی گی۔ جمعے نوں وفاقی وزیر اطلاعات فواد چودھری نال افغانستان دے قائمقام سفیر نے ملاقات کیتی۔
ملاقات دوران وزیر اطلاعات نے آکھیا کہ پاکستان افغانستان نال تعلقات نوں اُچیچی اہمیت دیندا اے۔وزیر اطلاعات نے افغانستان نال میڈیا، اطلاعات تے ثقافت دے شعبیاں وچ تعاون ودھان دی لوڑ اُتے زور دیندے ہوئے آکھیا کہ ایہناں شعبیاں وچ تعاون نال دو پاسی تعلقات تے لوکاں وچکار رابطیاں نوں فروغ حاصل ہوئے گا۔ ایس موقعے تے قائم مقام افغان سفیر نے وزیر اعظم عمران خان تے وزیر خارجا شاہ محمود قریشی ولوں افغانستان دے پہلے دورے دے بیان دا خیر مقدم کردے ہوئے آکھیا کہ کابل وچ ایس بیان نوں مثبت لیا گیا اے۔
