اسلام آباد(پاکستان پوائنٹ نیوز06۔ستمبر۔2018ء) پاکستان اُتوں امریکی دباء گھٹان لئی چین اپنا کردار نبھان لئی تیار، چینی وزیر خارجا پاکستان دے تن دناں دے دورے اُتے جمعے دے دیہاڑے اسلام آباد اپڑن گے، دورہ وزیر خارجا شاہ محمود قریشی دی اُچیچی درخاست اُتے کیتا جا رہیا اے۔ تفصیل مطابق امریکی وزیر خارجا مائیک پوپیو پچھلے دیہاڑے اک دن دے دورے اُتے پاکستان اپڑے سن۔
مائیک پوپیو 27رکنی وفد نال پاکستان آئے سن۔ اپنے دورے دوران اوہناں وزیر اعظم عمران خان، آرمی چیف تے وزیر خارجا نال ملاقتاں کیتیاں۔ پاکستانی حکام نال ملاقتاں دوران امریکی وزیر خارجا نے اک وار فیر ڈومور دی منگ کیتی۔ پر ایس وار پاکستان دی سول و ملٹری قیادت نے امریکا دی ڈومور دی منگ نوں منن توں انکار کر دتا۔ ہن ایس ساری صورتحال وچ امریکی دباء گھٹ کرن لئی چین اپنا کردار نبھان لئی تیار اے۔ چینی وزیر خارجا پاکستان دے تن دناں دے دورے اُتے جمعے دے دیہاڑے اسلام آباد اپڑن گے۔ دورہ وزیر خارجا شاہ محمود قریشی دی اُچیچی درخاست اُتے کیتا جا رہیا اے۔
