کراچی(پاکستان پوائنٹ نیوز05۔ستمبر۔2018ء) سابق آرمی چیف و اسلامی فوجی اتحاد دے سربراہ راحیل شریف نے آکھیا اے کہ پاکستان چھیتی دنیا دی وڈی معاشی طاقت بنے گا، دنیا وچ کیتے وی جاواں مینوں پاکستانی ہون اُتے فخر ہوند ااے۔ سعودی عرب وچ بزم ریاض دے آہر ہیٹھ آزادی دیہاڑ دے سلسلے وچ ہون والی اک تقریب نال خطاب کردے ہوئے سابق آرمی چیف راحیل شریف نے آکھیا کہ پاکستان چھیتی دنیا دی وڈی معاشی طاقت بنے گا، پاکستان امن پسند ملک اے، ایہ ساڈا فرض اے کہ اک دوجے نال اختلاف بُھلا کے اک ہو جائیے۔
اوہناں نے آکھیا کہ اج دنیا بھر وچ پاکستان دے باصلاحیت بندیاں دی قدر کیتی جاندی اے، میں سعودی عرب توں علاوہ وی دنیا وچ کیتے وی جاواں مینوں ایس حوالے نال فخر ہوندا اے کہ میں اک پاکستانی آں۔ جنرل(ر) راحیل شریف نے آکھیا کہ اسیں قائد اعظم تے علامہ اقبال دے ارشادات دے چانن وچ اپنے ملک نوں ترقی ول لیجان دی کوشش وچ رُجھے رہواں گے۔
