اسلام آباد(پاکستان پوائنٹ نیوز04۔ستمبر۔2018ء) وزیر اعظم عمران خان نے وزارت پٹرولیم نوں گیس دیاں قیمتاں وچ وادھے لئی گرین سگنل دے دتا اے، گیس دی قیمتاں وچ وادھا ضروری ہو گیا اے، سابق حکومت نے چار سال تیکر گیس دیاں قیمتاں وچ وادھا روکی رکھیا، گیس دیاں قیمتاں وچ وادھے لئی سمری فیر ای سی سی دے اجلاس وچ گھلی جائے گی۔میڈیا رپورٹس مطابق وزیر اعظم عمران خان دی صدارت ہیٹھ گیس دیاں قیمتاں ودھان بارے جائزہ اجلاس ہویا۔
وزارت پٹرولیم نے گیس دیاں قیمتاں بارے وزیر اعظم نوں بریفنگ دتی۔ وزارت پٹرولیم نے وزیراعظم نوں دسیا کہ گیس دیاں قیمتاں وچ وادھا ضروری ہو گیا اے۔ سابق حکومت نے چار سال تیکر گیس دیاں قیمتاں وچ وادھا روکے رکھیا۔ گیس دیاں قیمتاں وچ وادھا نہ کیتا گیا تے گیس کمپنیاں دیوالیہ ہو جان گیاں۔ یاد رہوے کہ اوگرا نے گیس دیاں قیمتاں وچ 100فیصد تیکر وادھے دا فیصلا کیتا ہویا اے۔ گیس دیاں قیمتاں وچ وادھے لئی سمری فیر ای سی سی دے اجلاس وچ گھلی جائے گی۔
