اسلام آباد(پاکستان پوائنٹ نیوز04۔ستمبر۔2018ء) وزیر اعظم دے مشیر برائے پارلیمانی اموربابر اعوان نے اپنے عہدے توں استعفا دے دتااے۔ بابر اعوان دا کہنا اے کہ میں کرسی نال چنبڑے رہن دی بجائے ہتھ نال استعفا لکھ کے اپنے کپتان نوں دے دتا اے، عدالت وچ ڈٹ کے بے گناہی ثابت کراں گا۔تفصیل مطابق نندی پورپاور سکینڈل دے سلسلے وچ بابر اعوان خلاف اسلام آباد دی احتساب عدالت وچ ریفرنس دائر کر دتا گیا اے۔
نندی پور سکینڈل وچ وزیر اعظم دے مشیر برائے پارلیمانی امور بابر اعوان خلاف اسلام آباد دی احتساب عدالت وچ ریفرنس دائر کیتا گیا اے۔ نندی پور پاور سکینڈل وچ وزیر اعظم دے مشیر برائے پارلیمانی امور بابر اعوان تے سابق وزیر اعظم راجا پرویز اشرف سنے ہور ملزماں خلاف نیب ریفرنس دائر کیتا گیا اے۔ قومی احتساب بیورو(نیب) نے موقف اختیا رکیتا کہ اے کہ ملزماں دی غفلت پاروں نندی پور پلانٹ لان وچ دو سال دیر نال قومی خزانے نوں 27ارب دا نقصان ہویا۔
اسلام آباد دی احتساب عدالت وچ دائر ریفرنس وچ آکھیا گیا اے کہ تحقیقات توں ثابت ہویا کہ ملزماں نے جانکے ذمے واری پوری نہیں کیتی۔ سپریم کورٹ نے نندی پور منصوبے اُتے رحمت جعفری کمیشن قائم کیتا جیہنے وزارت قانون دے افسراں نوں دیر دا ذمے وار قرار دتا۔ وزارت قانون نے رپورٹ دے چانن وچ معاملا نیب نوں گھلیا۔ پر ہن تازہ اطلاع مطابق اسلام آباد دی احتساب عدالت وچ ریفرنس دائر ہون دی وجہ توں وزیر اعظم دے مشیر برائے پارلیمانی اموربابر اعوان نے اپنے عہدے توں استعفا دے دتااے۔ بابر اعوان دا کہنا اے کہ میں کرسی نال چنبڑے رہن دی بجائے ہتھ نال استعفا لکھ کے اپنے کپتان نوں دے دتا اے، عدالت وچ ڈٹ کے بے گناہی ثابت کراں گا۔
