لاہور(پاکستان پوائنٹ نیوز04۔ستمبر۔2018ء) لاہور وں الیکشن لڑن اُتے عابد شیر علی خلاف بینرز لگ گئے۔ عابد شیر علی خلاف لگے بینرز اُتے لکھیا گیا اے کہ جو لوک اپنے شہراں وچوں ہار گئے اوہ ہن ساڈے اُتے مسلط نہ کرو تے حلقے دے کسے ہور بندے نوں ٹکٹ دیو۔ تفصیل مطابق عام انتخابات 2018دے سرکاری نتیجے مطابق این اے 108توں مسلم لیگ (ن) دے رہنما عابد شیر علی ہار گئے سن جدکہ پی ٹی آئی امیدوار فرخ حبیب کامیاب ہو ئے سن۔
تے ہن عابد شیر علی نے حمزہ شہباز شریف دی چھڈی ہوئی سیٹ این اے 124توں الیکشن لڑن دا فیصلا کیتا اے۔ لیگی رہنما عابد شیر علی نے این اے 124لاہور توں کاغذات نامزدگی وی لے لئے نیں۔ پر ایس حلقے وچ عابد شیر علی خلاف وڈی بغاوت ہو گئی اے۔لاہوروں الیکشن لڑن اُتے عابد شیر علی خلاف بینرز لگ گئے نیں۔ عابد شیر علی خلاف لگے بینرز اُتے لکھیا گیا اے کہ اسیں میاں شہباز شریف ، حمزہ شہباز توں اپیل کردے آں کہ جو لوک اپنے حلقے توں الیکشن ہار گئے نیں اوہناں نوں ساڈے اُتے مسلط نہ کرو تے حلقے دے کسے ہور بندے نوں ٹکٹ دیو۔
