لاہور(پاکستان پوائنٹ نیوز04۔ستمبر۔2018ء) وزیر اطلاعات پنجاب فیاض الحسن چوہان دا اک ہور جھیڑوا بیان ساہمنے آ گیا۔جو بال ساڈی حکومت وچ پیدا نہیں ہوئے اوہناں نوں پولیو دے قطرے پیان دی ذمے واری ساڈی نہیں۔اوہناں نے نجی ٹی وی چینل دے پروگرام وچ اک سوال دا جواب دیندے ہوئے آکھیا کہ جو بال مر رہے نیں، جو تن تن چار چار سال دے بال نیں اوہ ساڈی حکومت توں پہلے دیاں حکومتاں د ے بال نیں اوہ خسرے دے ٹیکیاں پاروں مر رہے نیں۔
سانوں تے اجے اک ہفتہ ہویا حکومت ملی۔ اوہناں نے اک ہور سوال کہ جو بال2013توں پہلے پیدا ہوئے اوہ تہاڈی ذمے واری نہیں اے؟دے جواب وچ اوہناں نے آکھیا کہ جی اوہ ساڈی ذمے واری نہیں اے، بالکل ساڈی ذمے واری نہیں اے۔فیاض الحسن ایس طرحاں دے بیان بیتے ویلے وچ دیندے رہے نیں پر ایہدے مگروں وی اوہناں نوں وزیر اطلاعات پنجاب لا دتا گیا اے۔
