عارف علوی پاکستان دے 13ویں صدر چُنے گئے

اسلام آباد(پاکستان پوائنٹ نیوز04۔ستمبر۔2018ء) حکومتی جماعت تحریک انصاف دے امیدوار عارف علوی پاکستان دے 13ویں صدر چُنے گئے نیں۔ قومی اسمبلی و سینیٹ وچ عارف علوی نوں212، مولانا فضل الرحمان نوں131 تے اعتزاز احسن 81ووٹ لے سکے۔ صدارتی الیکشن دے نتیجے مطابق حکومتی جماعت دے امیدوار عارف علوی ، اپوزیشن دے امیدوار مولانا فضل الرحمان جدکہ اکلوتی پیپلز پارٹی دے امیدوار اعتزاز احسن سن۔ بلوچستان اسمبلی توں عارف علوی نوں 45، فضل الرحمان نوں 15ووٹ جدکہ اعتزاز احسن نوں کوئی ووٹ نہیں ملیا۔ سندھ اسمبلی وچ اعتزاز احسن نوں 100، عارف علوی نوں 56تے فضل الرحمان نوں اک ووٹ ملیا۔ خیبرپختونخوا اسمبلی وچ عارف علوی نوں 78، مولانا فضل الرحمان نوں26تے اعتزاز احسن نوں 3ووٹ پئے نیں۔