اسلام آباد(پاکستان پوائنٹ نیوز03۔ستمبر۔2018ء) کل صدر پاکستان دے چناؤ لئی الیکشن ہوئے گا۔ سارے حکومتی وزیر و ارکان اسمبلی صدارتی الیکشن دے عمل وچ حصہ لین گے، صدارتی الیکشن کارن وفاقی کابینہ دا اجلاس ملتوی کر دتا گیا ۔ تفصیل مطابق پاکستان تحریک انصاف دی حکومت نوں بنے تن ہفتے ہو گئے نیں۔ تحریک انصاف دی حکومت نے جتھے عوامی مقبولیت حاصل کرن لئی کئی اہم فیصلے کیتے اوتھے تحریک انصاف ولوں پارلیمان تے کابینہ ورگے اداریاں نوں مضبوط بنان لئی وی اقدامات کیتے جا رہے نیں۔
ایس حوالے نال ایہ فیصلا کیتا گیا سی کہ ہر ہفتے دو وار کابینہ دا اجلاس ہویا کرے گا۔ جتھے سارے وزیر اپنے محکمیاں بارے وزیراعظم عمران خان نوں بریفنگ دیا کرن گے ۔ ایہ اجلاس باقاعدگی نال ہو رہے سن پر کل ہون والے وفاقی کابینہ دے اجلاس نوں اچانچک(اچانک) ملتوی کر دتا گیا اے۔ جیہدی وجہ کل ہون والا صدارتی الیکشن دسی گئی اے۔سارے حکومتی وزیر تے ارکان اسمبلی کل صدارتی الیکشن دے عمل وچ حصہ لین گے۔یاد رہوے کہ کل صدارتی الیکشن ہوئے گا۔ جیہدے وچ پاکستان تحریک انصاف ولوں عارف علوی، پیپلز پارٹی ولوں اعتزاز احسن تے باقی اپوزیشن جماعتاں ولوں مولانا فضل الرحمان مقابلے وچ ہون گے۔
