اسلام آباد(پاکستان پوائنٹ نیوز03۔ستمبر۔2018ء) پی ٹی وی حملا کیس وچ وزیر اعظم عمران خان نوں بری کر دتا گیا، 2014دے دھرنے دوران سرکاری ٹی وی چینل اُتے ہون والے حملا کیس وچ عارف علوی جو کہ پی ٹی آئی ولوں صدر مملکت دے امیدوار نیں، پہلے ای بری ہو چکے نیں۔ تفصیل مطابق عمران خان نوں وزیر اعظم بنن مگروں وڈی خشخبری مل گئی اے۔ پی ٹی وی حملا کیس وچ وزیر اعظم عمران خان نوں بری کر دتا گیا اے۔
ایس توں پہلاں ایسے کیس وچ تحریک انصاف ولوں صدر پاکستان دے نامزد امیدوار عارف علوی وی بری ہو چکے نیں۔ وزیر اعظم عمران خان نوں 2014دے دھرنے دوران سرکاری ٹی وی چینل اُتے ہون والے حملا کیس وچ بری کرن دا فیصلا پیر دے دیہاڑے اسلام آباد دی انسداد دہشت گردی عدالت وچ ہون والی سنوائی دوران کیتا گیا۔پی ٹی وی حملا کیس وچ تحریک انصاف دے ہور کئی رہنما وی نامزد نیں۔ایہناں رہنماواں وچ مرکزی رہنما و رکن قومی اسمبلی شیریں مزاری، صدر تحریک انصاف و وزیر خارجا شاہ محمود قریشی تے ہور شامل نیں۔ کیس وچ نامزد ایہ سارے رہنما وی ضمانت اُتے نیں۔ ایس توں وکھ ایس کیس وچ عوامی تحریک دے سربراہ طاہر القادری تے ہور رہنما وی نامزد نیں۔
