لاہور(پاکستان پوائنٹ نیوز03۔ستمبر۔2018ء) نجی ٹی وی دے پروگرام وچ گل بات کردے ہوئے مسلم لیگ (ن) دی رہنما عظمی بخاری نے آکھیا کہ جو لوک ساڈا فارورڈ بلاک بنان چلے سن اوہناں دی اپنی جماعت وچ فارورڈ بلاک بن گیا اے۔ اوہناں نے آکھیا کہ پاکستان تحریک انصاف دے پنجاب اسمبلی وچ 15ارکان ناراض نیں۔ اوہناں نوں منان لئی چودھری سرور تے جہانگیر ترین دی ڈیوٹی لائی گئی اے تاں جے اوہناں نوں منایا جا سکے تے اوہناں دی ناراضگی دور کیتی جا سکے۔
پاکستان تحریک انصاف دے قومی اسمبلی ارکان وچ وی کُجھ بے چینی ویکھن وچ آ رہی اے۔ عظمی بخاری نے آکھیا کہ جے سپیکر قومی اسمبلی اپنی گنجائش توں ودھ ووٹ لے سکدے نیں تے فیر صدارتی الیکشن وچ وی ووٹ کیتے ہور جا سکدے نیں۔اوہناں نے ہور آکھیا کہ ساری اپوزیشن اکٹھی اک سائیڈ اُتے کھلوتی اے مائنس پیپلز پارٹی۔یاد رہوے کہ کل صدارتی الیکشن ہوئے گا۔ جیہدے وچ پاکستان تحریک انصاف ولوں عارف علوی، پیپلز پارٹی ولوں اعتزاز احسن تے باقی اپوزیشن جماعتاں ولوں مولانا فضل الرحمان مقابلے وچ ہون گے۔
